男女字典 20_30 Dictionary

~ 男女字典 ~

Carr ~ 從鏡花水月到天長地久沒有可歌可泣只有十指緊扣
『愛情沒有對與錯只有愛與不愛』

Kelly ~ 堅信愛不能隨便但偶然會在想像中變身
『經常保持一點神秘感人就會矜貴一點』

Helen ~ 兩個人可以一齊　通常都係因為有一個怕悶
『當你懷疑對方已經改變時其實變的是你自己』

Nadia ~ 愛過很多次的後遺就是迷失自己甚麼也喜歡甚麼也不喜歡
『忘記是不需要用力的，要用力去忘記反而記得清楚』

肥仔 ~ 不敢愛也不敢被愛自認是愛情的低等動物
『當愛不由你爭取時唯一可以做的就是等』

Who Am I

呢個世界有兩種人佔左大多數
一種叫做唔知自己係邊個
一種就以為知道自己係邊個
你係咪真係咁肯定自己對自己咁有信心
你真係唔會因為人地講一兩句說話就即刻林晒
即係人地講咩你都咁定
真係唔會俾任何人影響到
唔會俾自己胡亂思想影響到
真係無論發生乜事都唔會反思下自己既缺點
真係無咁易俾人動搖
真嫁 ?? 真嫁 ??? 唔 ... 真嫁 ????

Flirt

Flirt 其實係一種娛樂黎既
你要娛樂我都要
但其實點解要 Flirt o者
就係跟本唔 Enjoy 自己同自己一齊
好似食止痛藥醫頭痛咁
食左咪唔記得痛囉
我地唔會 care 佢有幾多副作用
十個茶壺九個蓋
你借我既愛我借你既愛
呢 D 就係我地既生活
又會唔會係你既一生

Liar, liar

其實我地都真係幾鍾意講大話嫁
為左得到我地最要既野我地講大話
為左避免麻煩我地講大話
我地同客人講大話
咩野時候我地都準備好去講大話
甚至付同爹 dee 媽 me 講大話
爹 dee 媽 me 又會同我地講大話啦
因為講大話都比講真相容易
雖然有時我地唔介意俾人呃
呃下再呃下
不過每個聽大話既人
心裡面都有佢既底線既

Mirror

鏡可能係世界上一樣最重要既發明黎嫁
著得靚唔靚今晚有無著落
都可能係靠佢
D 個世界真係四周圍都係鏡
鏡可以令你清醒 D
等你引以為鑑
提醒你唔好乜都撞埋去
鏡重可以提醒你
你同你睇唔起既人其實都係一樣
你有冇試過出街之前照一照鏡
覺得自己嘩好靚喎今日
咁就出去見朋友囉
見到朋友朋友就話
嘩乜你無鏡嫁咩屋企
係囉照自己塊鏡有乜用呀

Stupidity

衰同蠢既分別可能係 ...
衰人會找你麻煩蠢人會自找麻煩
如果蠢人遇上蠢人 D 個世界就天下太平
如果蠢人遇上好人 D 個世界會多 D 笑聲
咁蠢人遇上衰人又點呢一個凹一個凸咁又會唔會好襯
不過蠢又唔蠢得晒又知道自己蠢
又由得 D 衰人乘虛而入既蠢人其實都係衰人
一個對自己衰既人丫

Small World

有 D 人既世界真係好細嫁
見人地既生活方式同自己唔同呢
就話人地無前途

當你訓醒覺既時候發現自己同緊一 D
你一直認為幼稚既人一齊玩既時候
咁係咪即係講緊你既生活圈子開始萎縮
係你唔為意既時候已經將簡朋友既要求降至新低點呢

係咪將眼光放遠 D 個世界大 D 就一定係好呢
有 D 人既世界好細
不過佢地容易滿足過得快樂
係圍板裡面我地搵到自已既信徒滿足感
朋友對自己好既人危險既人
直至你發現圍板以內
你既 EQ 根本容納唔到多一個人

Crazy

係 D 度癲佬癲婆種類繁多任君選擇
我地有購物狂色情狂
恨嫁恨生仔狂同埋燥狂症
以上只係冰山一角
佢地全部都係危險人物
有左燥狂症既人
遇到佢地解決唔到既事呢
就會發癲
色情狂一旦發現自己無能力再色情
就會自已搞定
最恐佈既就係當你發現理想同埋現實差太遠既時侯
你就會思覺失調
到底你做過幾多瘋狂既事呢
又係幾時開始發現自己癲唔起呀
D 度每個人都有癲既一面
你無嘩你真係癲嫁

TREADMILL

鍾意去同一達地方食飯
鍾意同同一個人食飯
所以就同埋個個人去同一達地方食飯
其實都唔係好差o者
因為都唔係原地踏步
應該慶幸係個個人重係你身邊
同埋個間餐廳重未執粒

今日開始忘記以前犯過既錯犯 D 新既
趁住自己重有青春
重有勇氣重有靚樣重輸得起
不妨俾自己犯多 D 錯丫
因為做錯事係你既特權
你咩得起咪得囉
不過千其唔好俾自己犯同一個錯呀
因為如果你犯左一個錯你只係無知又無辜
但係如果你俾自已犯同一個錯你就係底死又可憐喇

你做完跑步機之後
力又出左汗又流過心力又廢埋
部機同你講話跑左 4 公里
其實你從來都係原地
重要沾沾自起咁添